7 eta 15 urte bitarteko haurren eta gazteen aho-hortz osasuna zaintzeko Eusko Jaurlaritzaren programa da, eta urteroko azterketa, prebentzio eta konponketak jasotzen ditu. Haurtzaro eta nerabezaroan funtsezkoak dira hortzeria osasuntsua izateko. Behin betiko hortzak zaintzeko ondorengo tratamenduak sartzen dira: pitzadurak zigilatzea, txantxarrak obturatzea, traumatismoak tratatzea, larrialdiak artatzea, etab. Ez ditu barruan hartzen esnezko eta lehen hortzeriaren piezen tratamendu gehienak, ezta ortodontziak ere.

Hortzeria egunero zaintzea ezinbestekoa dela kontua jakina da. Eguneroko mantenurako oinarrizkoa da hortzak bi edo hiru aldiz eskuilatzea. Garrantzitsuena gaueko saioa da. Horretarako, haria erabiltzea, eta eskuila bi hilabetez behin aldatzea da gomendagarriena. Garrantzitsua da eskuilatzen denbora pasatzea (2 eta 3 minutu artean gutxienez), eta eskuila bigunak erabiltzea, gogorrek hortzoia mindu eta kalte konponezinak eragin ditzaketelako. Gutxienez, urtean behin klinika espezializatu batean azterketa egitea oso garrantzitsua da, eta urtean behin edo bitan, beharraren arabera, klinikan garbiketa profesionala egitea gomendagarria da.

Etxebeste klinika irekitzearekin batera, ordutegia zabaldu dugu. Astelehenetik ostegunera goizeko 9:00etatik 20:00ak arte irekitzen dugu klinika, eta ostiraletan 9:00etatik 13:00etara eta 15tatik 18:00ak arte. Larrialdiren bat izanez gero, kontsulta-ordutegitik kanpo lan egiteko prest gaude.

Prebentzio protokoloak lehentasun osoa du. Hortzak konpontzeaz gain, gure lana hortzetako gaixotasunei aurre hartzea da. Bakterio-plakak eta txantxarrak ekiditeko, prebentzio protokoloa jartzen dugu martxan, pazientearen beharren arabera. Gure funtsa diagnostiko goiztiarra da, horregatik gomendatzen dugu azterketak maiztasunez egitea.